Forum - Ö ü w e s i n n e r i s c h

Willkommen in unserem Forum - Ö ü w e s i n n e r i s c h!
Hier können Sie uns dabei helfen, ein Wörterbuch zu erstellen.


Wir möchten Sie darauf hinweisen, dass Ihre Einträge durch unseren Systembetreuer gelöscht werden, falls diese nicht zu dem Thema passen. Für Veranstaltungsanzeigen, Leserbriefe, o.ä. ist unser Forum daher nicht geeignet. Wir bitten um Verständnis.

  Eintrag hinzufügen
Seiten : 1 | 2 | 3 | ... | 6 (6 Seiten)

leonhard schaefer
chiantihouseschaefer@gmail.com
san casciano /fi/italia
01.01.2019 00:27:38
Brost Näüjoar- öwer: Dengk o die annen!

Wannde dei Broadzeit mejichst, dengk o die annen Vergejiss nijed die Dauwe zu füedden Wannde diech innen Griech stüezzt, deng on die annen Vergess nijed die wu Friede wolle. Wannde die Wasserrechnung bezölst, deng o die annen wu kä fliessend Wasser hom. Wannde hämkömmst, in dei Haus, deng o die annen Vergess nijet die Läüt wu in Zelte lawe. Wannde schlöffst un Wolge zejilst, denk o die annen On die wu ouff de Stroass üwenochte. Un wannde ohne Brobleme gesooch konnst wossde dengst, deng o die annen wus verboude is zu sooche wosse denge. Un wannde o die dengst wu ganz weid entfernt woone, deng o diich selwer un sooch: Ich will e Kijezze sei im Dungele. Und dengk o die annen nijet nur o Weinochte! (nach Mahmud Darwish, palästinensischer Poet : Denke an die anderen! ) De Lennad aus Idalien
 
>> Antworten <<


leonhard schaefer
chiantihouseschaefer@gmail.com
san casciano v.p. italien
01.01.2018 11:56:48
Brost Näüjohr, die Wuescht is gor!

De Mejzger hoat die Sau geschlocht, die Wuescht is guet, es Fläsch is schlacht! "Wanndes nijet basst, konnste noch Berlin bein Schlachter in Schlachtensee Dou isses nouch schlachter!" ( de Lennad aus Idalien)
 
>> Antworten <<


Birgit Volpert
roland.volpert@gmx.de
Burgsinn
25.07.2017 23:11:17
Beidrooch

doos iss jo enn zufall..... ich hobb grod gedochd, ich gugg emoal nei, öbb wieder woss näüess dinn steäd; unn grod häüd hoadd de Rudi woss neigeschriebe! seid zwäe joar wieder emoal... Schüe, dass de mäidde im summer schue on weinochde dengsd!
 
>> Antworten <<


R.Dii
rudolfdill1@gmx.de
osi
19.03.2024 05:01:11
Weinochde

Liebe,Friede?Pfäuffedeggel,die Erwartungen des Einzeihandels sänn es wichdichsde on de Bodschafd.Sänn en hauffe Frijmme dou alleweil.Babbele paschto,farsi öder amharisch.Soll än Mönsch veschdeij.Iich vesüch jo,nouch midd e boor annen,danne Mönsche däüdsch beizubrenge.Is alsemoal ganz lusdich.Dou is sou en junge Bursch aus Afghanisdan.Dar hässd Farhad.Dar woar eijdz bei mir ,hoadd siich ouff die Brusd gedäudd un gesaad"Farhad,Farhad!"Es hoadd e wengg gedauerd,bis iich gemigrd hobb,dar headd gann e Foahrrod.Die Dooch woor iich bei meinere Mamme.Dou huann mer uns Bilder ogeguggd.Ouff ämm dou woor e hellblondes unn e dunggelhooriches Mädje.Dou seijchd die Mamme:"Die wässe unn die röügge!"Obgelädd von Weizen unn Roggen.Also unsae Schbrooch dos is schue e wenng wos.Mir hougge ouff de Schdääröügge un wanns eng wüädd ,dou duann mer zammröügge.Wünsch äüch doos un selles.
 
>> Antworten <<


r.dill
rudolfdill1@gmx.de
osi
19.03.2024 05:01:11
neijchde owend

woor Sangd Maddin.Jöddichna,eine hauffe Läüd.Jedes Kind hadde Mamme unnen Babbe,zwää ommas unn zwää Obbas debei.Nur die Maschinemussig hoadd mer niejd gefalle.Selwer zu singe is hald douch wos anneres.Iich woor näülich beim Zeehdougder.Daar hoadd on meinere Raffel römmgehandwargd.Eine Frääd,wie daar miich gedürengeld hoadd.Wie iich dann von damm Schdual hunne woor unn wieder ouffe3m Aardboude schdonn,dou woor mer zumuad wie wann mer ääner e Keijchelkuchel onns Hirn geschwoadd heädd.Es iss öwer wieder alles in de Reih.Bis zum nexdemoal.(beim Zehdougder)
 
>> Antworten <<


r.dill
rudolfdill1@gmx.de
osi
08.08.2015 08:17:58
Heind owed,

dou mach ich miich emoal eine ouffen Duurfbladz.Dou gidds e Weinfesd.M'r düäff dou öwer aach lach.Iich hobb mer die Hooar löäss schneid.Dou iss mein brääde Schäddel nouch e wengg brädder wuann.Die Sächwürm(es Geijchedääl von Brunskell)meijchd ämm gaans kabudd.Dou wachsde murchends auf,es Köüsse vegrümmbeld un noosgescheijdzd wie wannse diich gedauggd heädde.Näülich hobb iich emoal in de Wargschdodd geschdöüwerd unn en alde Höüvel gefunne.Daar woor hald rachd schdumbb.Hobben dann schoorfgemochd.Schneidd wies Giifd.Beim Höüvele gidds sou schüenne Schbiejen.Du muassd hald dos Breed wu de willsd höüvel midd dam Dreäwer guad feijsdschbann.Iich due eijdzed ausschbanne.Ouffem Weifesd.Unner damm Moddo:War Wei dringgd schlöffd guad, Waar schlöffd sündichd niejd, Waar niejd sündichd,kömmd in Himmel.Soll häss:Waar Wei dringgd,kömmd in Himmel!Mach ich wos für mei Seelenheil.Iich will douch dou ouwe en Hauffe von äüch begään.
 
>> Antworten <<


r.dill
rudolfdill1@gmx.de
osi
18.07.2015 10:15:49
Jo varregg

Anton,Du hoasd joo raachd,es is schue e wengg e Weil haar,daßmer voenanner gehörd huann.Öwer miir laawe nouch.Unn wie.Vüür Kuezzem hadde mer e Fäüerwehrfesd.Eine Feijch.Dou kannd mer emoal wieder sou richdich schdolz gesei ouff unse Ouwesinn.Woahrlich,iich sooch äüch,e Frääd dou zu laawe.E boor näüe Wüädder hobb iich a gefunne.Wann de Ää öder anner vo äüch määnd dos gehörd sou öder anneschd gesaad öder geschriewe,dann konner doos jo gesooch öder geschreib.Also wann mer öbbes ver-schammerierd hoadd mersch aa schnell verummenierd.Wann de en Pfirch willsd bau,muassde mid de Schloue Pfousde in Boude neischwoadd.Unn wannde em Glänne de Gääferladz(loadz niejd gaadlich ömmhengsd,gidds sou böäse Flöödsche.Hobbd ihr schue emoal middem Räädel öbbes ogeräädeld?Wolld sooch en Droahd öder e Sääl gedrullerd.Viel Frääd beim Laase.Bis demneggsd,
 
>> Antworten <<




07.07.2015 13:47:12
Öüwesinnerisch

Guden Dach, iir Läüd, ejitz isses schue ball viir Muened haar, said mer unser Buech üwer dii Öüwesinner Schbrooch vüürgeschdelld huenn. Nadüürlich wejisse mer, dasses nouch lang nije vollschdendich iis, dasswaache deäd iich sooche, guggd nouch emoa nai unn dann sammeld flaissich waidder. Iich deäd miich fränn, wann iich wiider öbbes vo äüch deäd höenn öder laase. Äüen Andon aus de Schuelgasse.
 
>> Antworten <<


r.dill
rudolfdill1@gmx.de
osi
31.05.2014 19:26:11
Europa usw

Ömmer will ääner öbbes von ämm.Leo,gugg haldemoal bei Verwaltungsgemeinschaft Burgsinn.Daar groasse schwoazze Balge duo lings in de Grafig doos iss de Waag in Himmel.Die grisdlich sozialisdische Dingsdou hadde fasd die Helfd von de Schdimme.Wann sich die Roade nied e weng ouff die Zeahne geschdelld heädde,wöänn die Grüäne fasd ouff Aachehöü.Öwer äüen Göüger im Chianti is jo aach nero un nied rosso.Wann du noch Ouwesinn kömmsd,ich hobb aach zwää Fleschjen Pälzer Woi für diich.Saludi usw.
 
>> Antworten <<


leonhard schaefer
chiantihouseschaefer@gmail.com
san casciano
27.05.2014 14:45:05
Ouwesinn hoedd geweeld-öwer wie?

dou laabt äner in idalien un will rausgriech wie die eurobawoole ausgange sän bei äüch (z.b. die grüene un die fäüerroade) un find niess, nied emoel in jahuu un guugel. sou wos! de lennad
 
>> Antworten <<


r.dill
rudolfdill1@gmx.de
osi
03.05.2014 17:04:16
Schachblummefest 2

Drei Woche lang sänn die Läüd gelaffe komme unn wollde unse Blümmje aus de Nöü bedrochd.Nouch nöüer,gaanz nou.Es gidd aach Mönsche,die sooche Schachbreddblume. Woos hoadd dann die Blumme mid Breeder zu duann?Dos is douch olwer un verummenierd da Charakter von de Schachblume.No ja,sie is karierd,öwer dos is dos Röggje von sou em Dudelsoogblöäser aa.Unn drouzdam seijchd känn Mönsch Dudelsoogblöäserblümje.Also,in Persien un drömmrömm sooche die Läüd zum Könich Schah.Un weil die aach frengisch könne, hörd sich dos o wie Schach.Un weil es Schachschbiel es Schbiel von de Köniche is,is unse Blume e Könichsblume.E woahrhofd könichliche Ogeleijchehäd. Könichliche Grüäss ausere könichliche Geijchend.
 
>> Antworten <<




30.04.2014 15:15:40
Schachblummefest

Diis Joor woor iich aach baim Schachblummefest. Schood, dass es Wadder nije sou richdich mid hoed geschbiild. Unn dii schüenne Schachblumme woenn aach maisdens schue veblüüd. Öwer Schbass hadde mer drotzdem. Unn es woer aach schüe, emoa wiider dii Vewandde unn dii alde Fräünde zu dröffe. Dann woer iich aach om näüe Duerfblatz, daar iis joo richdich schüe wuenn. Also dann machds emoa gued in Ouwesinn unn denggd droo: unser Mundart-Wüedderbuech iis e "lebendes Dokument". Machd waider mid, es rendiierd siich. Äüen Andon aus de Schuelgasse.
 
>> Antworten <<


Seiten : 1 | 2 | 3 | ... | 6 (6 Seiten)

Ansprechpartner

Markt Obersinn
Marktplatz 1
97791 Obersinn

Tel.: +49 (0) 9356 / 52 89
Mobil: +49 (0) 160 / 94 45 29 20
E-Mail: info@markt-obersinn.de