19.05.2013 09:12:50

Pfingsde

Gell,Anton,dou hoassde geluurd.Die Mädjennidd danne hauffe Nömme komme aus Mejddelsinn.Es babbeld sich hald römm,daß dou e boor Dollagge e Burdsjoh heiliche Geisdobgrichd huann.Unn wann ich midd meinereHaand üwer mein dejgge Bladdkuob fohrerdassd ich obdimale Landebedingunge füanheiliche Geisd.Ouff alde Bilder sijd merjo als aa die Abosdel mid Flemmjen ouffde Köbb.Mir hadde in Ouwesinn in de ledsde zwää Woche gleich vier Fesde.Dou muassde schue beim Zäüch sei wannde doos middwilldsmach.Unn on mei Fräünd-inne sinnobwärds,wann dos midd danneErdbeerböüdjen nijss wüdd,wann velleichd Hümbelbejerböüdjen draus.

17.05.2013 11:25:57

Machd waider sou!

Grüess Godd, iihr lijewe Öüwesinner unn Öüwesinnere. Iich huenn mer gedochd, iich meld miich aach emoa wiider. Iir wejissd joo, dass iich on damm Öüwesinner Wüedderbuech schraib. Daswaache vefolch iich näüschiired äüere Baidrejich doou ouf daare schüenne Internet Saide voo unsem Duerf. Unn jedes Wued, dos iich nouch nije huenn, naam iich in unser Wüedderbuech auf. Also machd nuur schüe sou waider. Unn wann iich ´s nechsde Moa in Ouwesinn sänn, komm iich ouf e Schdöügg Erdbeerböüdije vobai. Machds gued unn froue Pfingsde. Äüen Andon aus de Schuelgasse.

04.05.2013 17:32:40

Schüa isses!

Grohd iss die Ina beimerr un ich huannnmitderre die Seite ohgeguggd un mir huann souj middännanner müessdlach.Iiich konn jooaach ääh wengg souj geräidt äeuerre Eifäll sänn äefoch guad.Seid frou dassessräänd, dossiss Woahsswadder. Ich kannd häeud niä in Goahrde,am Muandich gähds seäicher.Ich moagh aach Ardbeijerböudje. Dou ginnmerzamm moa nuff zuerre!

04.05.2013 15:49:35

srähnd

srähnd alszuh, un eichendlich müeßdde goaddezau ahmoä geschdrejchewah! bei dam waddr scheiggt mer känhund ouff die stroaß. noja, dinn gids ah arbed.wanns öeschd ahdbejrbödjen gid lood ich de rudi eih, dos äissdr gann, ödr?

01.05.2013 07:40:01

Der Mai ist gekommen ?

Wu isser,har demidd.Dar Durmel hoadd sichveschdeggeld hinnichsdere Rääwadderwolgeogeschlejche.Ejdzed müässd ihr beimschbaziergjen aufbass.Die Beeme schlouenemmlich aus.Also Owachd gawe.Mer konnalleweil em Zäüch beim Woasse zugegugg.Aadie Öüwesinner feiern wie veröüggd.Scha-chblumefesd,Moddo Gross,nocherd ömme zeahgeads nüen Dürfbladz unnem Sunndich löassds die Fäüerwehr brönn.Ouffem Grill.Also Geld eigeschdeggd unn de Schirm nijvegesse.

22.04.2013 20:31:22

Frühling

Danggschüe,Ina,ich hobb der aach gleich e Gensblümje gepflöggeld.Schengg ich dir es nexdemoal.Frühling wor fürchwoche diesdich.De Nochber hoadd die Schdobbgrumben seggweis ömmenannergeschürchd.De anner hoadd geschouerd wie en Wille.Unndie Vöüchel no ja.Ijnnesnejchde unn nejchde huann mer Schachblummefesd ge-feied unn heind huann mer aufgerämmd.Wore schüe Fesdje.En Hauffe Exilöüwesinnerwoann dou.Die Lensemöllersibbschafd woraach dou.Schüe,bis Pfingsde öder sou.

21.04.2013 20:17:51

drooblei

de ruudi aus ouwersinn konn jo wüeglich e guhedes öwersinnerisch gebabbel, dos kommer gemähn. doss kommer geläß. is oaich gued zu lahse. nuä nieä noochläeß, rudi.

11.03.2013 10:51:57

Die Grengg

Die ganz Weld woor grangg.Mich hadds aa higesulld.Icn hobb sou ge-kölchd,dou huann die Hunn in de Nochberschafd ogefangd zu gauzze.Joo ichwoor ganz schüe dougelaa.Ouffem Nochddüsch öder Nochddöüschjeschdonn dos ganz Gelumb wu debei soll hölf es Lawe zu vekürze.Ich hadd ein Ejgel für damm Säüch.Ich huann dos dannin die Blummeschirwe nawichsd meim Beddgeschüdd.Nocherd is dann mei"Grangeschwester"komme unn hoadd römmgedöübd un gegazzd.Hadd nouchemoalGlöügg.Hobbs üwerlabd.Die Granged,es Giifd unn es Pflechebersonal.Wünsch Äüch un mir,daß dos endlich wos wüäddmid damm Frühjohr.

09.02.2013 10:50:11

ämm,ömm,emm

Wann emm Öschermejdwoche die Fosenochdrömm is,dann is aa emm Babbe sei Geld all.Unn wanns ämm dann dreggich gead,hoadd mer sich ömm drei römm nouch änngenehmichd.Die Weisbiller honge jo wie die Wobbe onmer.Ää hadd sich jo mid ijmm Kostüm sou mid meim veköüzzd,mir huann eEäwichkääd onnenanner römmgezobbd.Unn wannde nijmmeh selwer hämmkömmsd?Für wos hoaddmer Freunde?Die hölfe ämm hämm.Ouffem Hämmwag dou hoadd dos in dammnosse Schnej rachd geschbräzzd,dou hoadd mer sich die Housebä noosgeschbröüzzd.Middem dreifoch grefdich donnernde Füäzzje.

30.12.2012 11:21:41

Grüß Gott

Grüessd äüch Godd, iir lijewe Öüwesinner unn Öüwesinnere. Ejitz iss ess alde Joor ball vobai unn wii de Rudolf schue geschriiwe hoedd: dii Weld iss nije unnergange.Iich dangg äüch schüe, dass iir miir bai unsem Dialeggd-Wüedderbuech geholfe hobd, unn iich hoff nadüürlich, dass ess im nechsde Joor nouch besser waider geäd, damidd mer unsere "Mundart" aach füür dii Noochweld könne erhall.Iich wünsch äüch allminanner e glöüggseeliches näües Joor.Äüern Andon aus de Schuelgasse.